منتدي كمال الاجسام




اهلاً وسهلاً بكم في منتدي رياضة كمال الاجسام
يسعدني ان تسجل معنا وتفيدنا ونفيدك في كل ما يخص رياضة كمال الاجسام تمرينات ونظام اغذية وكل ما تحتاجه

ان كنت تظن اننا مجرد منتدي.. فكر من جديد
ملحوظة : المنتدي ليس خامل وليس به نشاط .. بل نشيط بأذن الله


كل ما يخص رياضة كمال الاجسام  
الرئيسيةس .و .جالتسجيلدخول
شاطر | 
 

 كل ما يخص لاعبى كمال الاجسام من الالف الى الياء

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Admin
مـديــر الــمـنـتـدي
مـديــر الــمـنـتـدي


ذكر
عدد المساهمات: 142
تاريخ التسجيل: 05/02/2011

مُساهمةموضوع: كل ما يخص لاعبى كمال الاجسام من الالف الى الياء   الخميس فبراير 24, 2011 6:25 am

التمرين
يا
كوتش انا بلعب بقالى 10 سنين ههههههههه متقطع شهر العب واريح اتين او بلعب
6 شهور واريح 4 شهور وهذا وجسمى مش بيزيد !!!!! ايه الحل ؟ وعندك حل
يخلينى انزل الصالة من غير ما اكسل هههههه( والله حصلت وواحد قالها نهايته )
؟



الاجابه اللعبة دى بتاعة استمرار يعنى ما تقولش انا لعب وبطلتل شويه وتستغرب ان جسمك مش بيتحسن امال انته منتظر ايه ؟


الحل
انك يا جميل تفضل مستمر فى اللعبة لان جسمك بكل بساطة مش هيحافظ على حاجة
انته مش مهتم بيها واحد عضلات جسمه مش بيمرنها الجسم هيخليها ليه لا هيبدا
يهدما للحصول على احتياجاته من البروتين والسعرات وده هيسد نفسك عن الاكل
وتلاقى حالة جسم اتدهورت وده لان جسم حضرتك محصلة لعوامل داخليه وهى
الوراثة وعوامل خارجية وهى الموثرات البيئية واللى بيمثلها لحضرتك التمرين
اذا مفيش تمرين مفيش استثارة من الوسط البيئى لجسمك تدفعه للحفاظ على كتله
عضليه او زيادتها وانته مش بتتمرن



عايز
حل يخليك تنزل الجيم والله دى بقى حاجة ترجعلك انته عايز تتمرن ولا بتدخل
الصالة عشان تخرج زهقك وتضحك ولا عايز تبقى حاجة فى اللعبة دى هقولك على
ابسط الحلول اختار جيم قريب منك قدر الامكان وظبط التمرين مع واحد صاحبك
تحس انه نشيط وبيحب الرياضة وما تظبطش مع واحد كسول يقولك يا عم بلاش انا
تعبان وهئانتخ
فى البيت النهارده



يا كوتش طيب انا هلعب خلاص بانتظام ممكن جدول تمرين ؟


الاجابة
والله التمارين كتير وومكن تختار منهم اى 5 تمارين للعضلة الكبيرة ( البش -
الكتف – الظهر – الارجل ) و3 تمارين للعضلة الصغيرة ( الباى – التراى –
الرست – السمانة
)



عايز
تدخل عضلتين فى اليوم ينفع عايز تدخل عضلة واحده برده ينفع طب يرجع لايه ؟
لطبيعه جسم والله بتتعب جامد ومش بتقدر تتمرن وكمان مش بتاكل كويس اتمرن
عضلة واحده يعنى دراع فى يوم والبنش فى يوم والظهر فى يوم والارجل فى يوم
والكتف فى يوم



عايز تدخل عضلتين ادخل بنش وباى( او تراى ) ظهر وتراى ( او باى ) اكتاف مع رست واخر حاجة الارجل
طيب ايه هو جدول التمارين ؟


طب انا هقولك فكرة حلوة .. مش كل شوية تيجى تسألنى عن جدول جديد لانك زهقت او مدة الجدول خلصت
خلصت ؟ هو بيحمض ولا ايه يا كوتش ؟


لا
يا ظريف مبيحمضش بس كل شهرين على الاقل لازم تغير الجدول .. ليه ؟ اقولك
انا .. اصل لو سعدتك فضلت طول حياتك ماشى على نفس النظام جسمك هياخد على
اللى بتعمله و هيبقى ملوش فائدة بعد كدة



مش احنا قلنا لازم تغير كل شوية عشان تستفيد ؟ والله انت مسطول ومش فاكر حاجة


طب و الحل يا كوتش ؟ اعمل ايه دلوقتى ؟


كل
شهرين غير جدولك يا اما غير اكلك و هدفك بدل ما تضخم خس شوية و احرق دهون و
العكس صحيح .. بدل ما بتلعب 12 عدة .. خليهم 8 مش خسران حاجة .. غير عدد
المجاميع .. غير التمرينات .. غير الجيم يا جدع انت هتشلنى ليه ههههههههه



و
اادى يا سيدى الجداول عشان نخلص منك ! نقى براحتك و ونوع براحتك و كله
شغال و تمام و متجيش تقولى طب انا عندى جدول جديد ادينى رأيك عشان هضربك

السبت: بنش و باى
الاحد: رجل
الاثنين: راحة
الثلاثاء: كتف و ترابيس و رست ( ساعد يعنى)
الاربعاء: راحة
الخميس: ضهر و تراى
الجمعة: راحة
---------
السبت: كتف و تراى
الاحد: ضهر و باى
الاثنين: راحة
الثلاثاء: بنش و رس
الاربعاء: راحة
الخميس: رجل و سمانة
الجمعة: راحة


---------
السبت: ضهر و باى
الاحد: بنش و تراى
الاثنين: راحة
الثلاثاء: رجل و سمانة
الاربعاء: راحة
الخميس: كتف و ترابيس و رست
الجمعة: راحة
---------
السبت: بنش
الاحد:ضهر
الاثنين: راحة
الثلاثاء: كتف و ترابيس
الاربعاء:رجل و سمانة


الخميس: دراع كله ( باى و تراى و رست)
الجمعة: راحة

--------


المهم
يا عم تهتم بالراحة اكتر من اللعب حتى فى جداول ال 5 ايام و 2 راحة بس ..
مش ناس كتير بتمشى بيهم لانهم مبعرفوش يتجنبوا التمرين الزائد اللى هو اوفر
ترايننج


اوفر ترايننج مين يا كوتش و الناس نايمين ؟ ايه ده كمان ؟

( هرمون الكورتيزول و اضرار التمرين الزائد فى الجيم ^ اوفر تراينينج ^ )
اوباااا يا كوتش ده الموضوع خطير اوى! طب اتجنب البتاع ده ازاى ؟


ما يا ناصح انا كتبتلك متزودش عن ساعة فى الجيم و طرق تجنب الهرمون ده


ساعة ايه بس يا كوتش دنا يادوب بلعب بار على فى ساعة اومال بقيت التماناشر ولا 20 تمرين اللى بعملهم هوديهم فين ؟


تماناشر ؟ يخربيتك يا جدع .. و عايز تزيد ؟ طب ازاى فهمنى
بص
يا عم من غير رغى هو 5 تمارين فقط لا غير للعضلة الكبيرة و 3 للصغيرة زى
ما قلت فوق هتلعب المهم و الاساسيات بس و فكك من تمارين الكابل و الاجهزة
لان كترتها مش مفيدة و مبطلعش عضلات زى البلدى اللى هو بار و دمبل


طب و النبى يا كوتش اعتبرنى ميحا بلاطة يعنى مليش فيها .. ممكن تكتبلى ال 5 تمارين دول و الحاجات ديه بس بالصور اصلى مبفهمش عربى ؟


ماشى يا عم لما نشوف اخرتها .. بص يا سيدى
البنش:
ـــــــــــــــــــــ
بار عالى:



تجميع مسطح:






بار مقلوب:


تفتيح مسطح:


اوفر:


و
زى ما قلت تغير و تنوع ياض دايما مش شرط حاجة معنية خليك لذيذ و متاخدش
التمرين بأفش عشان يجيب بفائدة و يبقى الاسبوع اللى جاى مثلا تلعب:

دمبل عالى:



بار مسطح:



تجميع دمبل مقلوب:


تفتيح عالى بالدمبل:


فراشة:



الظهر:
ــــــــــــــــــــــ
عقلة امامى:




مرجحة بار:





دمبل مجنص:


سحب ارضى على الجهاز :



قطنية رفعة ميتة:





و الاسبوع اللى جاى تغير برده
و اللى بعده نفس الحوار اقعد بدل فى
الحاجات اللى فيها اشكال كتير زى
العقلة مثلا فيها قبضات كتير جدا

عقلة خلفى:






[size=12]سح
ب ارضى[/size]




عقلة قبضة معكوسة:


[center]
الكتف:
رفرفة امامى:

رفرفة خلفى:

رفرفة جانبى:

بار امامى:

تجميع دمبل جانبى:



وبدل برده اسبوع و اسبوع
من غير ما اكتبلك بقى عشان شلتنى .. الدمبل فردى خليه زوجى او بار او كابل
هتلاقى عندك لينك فى الاخر فيه كل التمارين و عيش يا عم بس متزودش عن 5 زى
ما قلت قبل كدة



الترابيس :

تنقى 2 تلعبهم كل اسبوع سامع !!


بار قدام رجلك:

بار من ورا ضهرك:

دمبل جانبى:

سحب امامى:



الباى:

دمبل تبادل:

بار قبضة متوسطة:

بار على الحصان:



و الاسبوع اللى بعده تغير


بار قبضة ضيقة:

ارتكاز بالدمبل فى الكوع:

تكوير على جهاز الكابل:



التراى:

دمبل فرنساوى فردى:

دفع لتحت بالمسطرة على جهاز الكابل:

دمبل كيك باك:


و اللى بعده


بنش قبضة ضيقة:

دمبل فرنساوى ورا راسك:



المكملات الغذائية

يا كوتش تعالى بسرعة الحقنى انا عيز اظبط كورس مكملات يخلينى زى روونى كولدير ولا جاى كاتلرز ؟

كوولدير و كاتلرز ؟ تيييت
ولا .. انا
عايز افهمك حاجة المكملات ديه مش سحر يعنى ايه ؟ يعنى لو تغذيتك مش سليمة
اكيد المكملات مش هتجيب معاك نتيجة لانها مش اساسية و مش محتاجها الا لو
تغذيتك ضعيفة

و كمان الابطال دول مش بياخدوا مكملات بس لا منشطات كمان ده غير التمرين و الراحة و التغذية مفيش حاجة لوحدها بتعمل نتيجة


ايه ده يا كوتش يعنى انت قصدك انى مش محتاج المكملات عشان اضخم ؟
اكيد يا ناصح مدام تغذيتك سليمة و كافية يبقى هتعمل احلى شغل من غير مكملات احنا بس بناخدها عشان تغذيتنا مش سليمة سليمة بنسبة 100 %


خلاص
يا كوتش و انا كمان تغذيتى مش سليمة طب ايه رأيك اخد ايه ؟ انا سمعت عن
الماس ميكر و الامينو و الميجا ماس و معرفش حاجات كدة كلها ماسات كهربائبة
اعمل بيهم ايه دول ؟

بص ياض ..
كل اللى بيتباع فى الجيمات المصرية ده مضروب بالنار عشان الكابتن بتاعك
عايز يطعله مصلحة عالية يجيب هو الحاجة ب 50 و يبيعها ب 300 و كله سرقة

عايز تعرف اساسيات المكملات ؟ اقولك يا سيدى


اولا:


الواى بروتين:


و ده من
افضل انواع البروتينات اللى موجودة دلوقتى و هو بروتين مصل اللبن و سريع
الهضم و الامتصاص و فوائده عالية و فيه شركات منتجة كتير و احسن شركة فيهم
ايه ؟ اوبتيموم نوتريشن Optimum Nutrition و عملين اصدار جديد من الواى
بروتين و هو جولد ستاندارد ده مزودينلك عليه جلوتامين كمان و احماض امينية



طريقة
استعماله: سكوب اول ما تصحى من النوم عشان جسمك بيبقى محتاج لبروتين سريع
الهضم و سكوب كمان بعد التمرين لنفس السبب و فى ايام الراحة سكوب اول ما
تصحى من النوم بس و كله على مياه عشان سرعة الهضم

ممكن
تستعمله مدى الحياة مفيش مانع لانه مفيش اضرار من استعماله زيه زى اى مكمل
اخر و ده بالذات واخد جوائز بقاله 5 سنين لاحسن مكمل بروتينى



و اادى صورته عشان متتخمش




ثانيا:


الكرياتين:


الكرياتين
ده يا سيدى كثرت مواضيع عندنا فى المنتدى و فيها فوائده و فيها كل حاجة
عنه الصراحة و الخلاصه انه من الاساسيات و بيدى باور فى التمرين و سبب فى
الضخامة لانه بيخزن المياه فى العضلة


كل ما تريد معرفته عن الكرياتين


طريقة استعماله: اول 5 ايام فترة التحميل بتاخد 20 جرام يوميا على مدار اليوم 4 جرعات .. ال 5 جرام = معلقة شاى ممسوحة
5 جرام
اول ما تصحى على مياه و 5 جرام قبل التمرين و 5 بعده و 5 قبل النوم و بعد
كدة هتاخد 5 جرام قبل التمرين بس .. و ممكن تزود 5 جرام معاهم بعد التمرين
كمان لو عايز ضخامة لمدة شهرين و تريح شهر مش عشان مضر لا بس عشان تستفيد
منه اكتر يعنى مفيش ضرر لو استمريت على الكرياتين طول حياتك

بس خليك فاكر .. لازم تشرب مياه كتير و انت بتستعمله عشان ميضركش قول مثلا 6 لتر يوميا


و فيه شركات كتير برده بتنتج الكرياتين و لكن افضلهم شركة برولاب و جى ان سى و اادى شكل الكرياتين البرولاب


ثالثا:


المالتى فيتامين:


بص يا سيدى .. المالتى فيتامين ده فوائده كتير اوى الصراحة و لو قعدنا نتلكم مش هنخلص بس

الفيتامينات و المعادن (تعريفها و اهميتها و اضرار نقصانها و زيادتها)


احسن انواع المالتى فيتامين ايه بقى ؟
عندك يا
سيدى انيمال باك ده رائع و سينتروم و ميجا مان و كل واحد مكتوب على ضهر
العلبة بتاعته طريقة استعماله لانه ساعات بيختلف عن الانواع الاخرى



و طريقة استعمال انيمال باك: 1 باكت نص ساعة بعد الوجبة اللى قبل تمرينتك يوميا
و شكله اهو


بس كدة ؟
امال فين يا عم المكملات اللى بتزود الوزن و اللى بتحرق الدهون و الباور و
النيتروجين و بتاعة المفاصل و الكلام ده ؟ انت شكلك مش عارف حاجة عنهم ؟

ياض يا غبى
قلتلك دول الاساسيات اللى الواحد مبيستغناش عنهم يمكن حتى انا شلت منهم (
زيوت اوميجا 3 ) لانك ممكن تاخدها طبيعى فى زيت الزيتون و زيت كبد الحوت و
زيت عباد الشمس و المكسرات



بص يا عم
الشركات اليومين دول شغالة بتنزل مكملات كتير بكافة انواعها انا هديلك
مثالين كدة فى السريع عن مكملات زيادة الوزن و حرق الدهون و الباقى هديلك
لينك بيه



و من مكملات زيادة الوزن:
الترو ماس:


ترو ماس من افضل مكملات زيادة
الوزن اللى موجودة دلوقتى و واخد جوائز كتير لافضل مكمل لزيادة الوزن و هو
بيتكون من كل العناصر الاساسية اللى الجسم بيحتاجها سواء بروتين او
كربوهيدرات او دهون او فيتامينات او معادن بعكس مكملات الواى بروتين اللى
بتركز اكثر على البروتين فقط



طريقة الاستعمال: 3 سكوب اول
ما تصحى و 1 سكوب قبل التمرين بساعة و 2 سكوب بعد التمرين علطول و طبعا كل
ده بيتخصم سعراته المكتوبة على العلبة من سعراتك اليومية اللى المفروض
تاكلها و قلتلك ازاى فى جزء التغذية



و اادى صورته يا سيدى


السيروس ماس:
برده مكمل رائع لزيادة الوزن من شركة اوبتيموم
طريقة الاستعمال: 1 سكوب اول بعد التمرين لمدة اسبوع و بعد كدة سكوب قبل التمرين بساعة و سكوب بعد التمرين علطول


و اادى صورته برده


ليبو 6 - ليبو 6 اكس - ليبو 6 بلاك:


ال 3
حوارق للدهون و طبعا البلاك اعلاهم قوة و الليبو 6 العادى اقلهم قوة و
ارخصهم بس احب افهمك انها مش حبوب المادر السحرى يعنى هتاخدها فى يوم و
ليلة هتخس لا طبعا .. لازم كاديو كويس و لازم تغذية سليمة خالية من الدهون
عشان تجيب نتيجة برده

و فيه انواع تانية كتير غير دول بس ليبو افضلهم و الجرعة مكتوبة على ضهر علبة كل واحد و انا هكنبلك جرعة العادى
طريقة الاستعمال: اول يومين كبسولة الصبح قبل الفطار بنص ساعة و كبسولة بعد الضهر قبل الاكل بنص ساعة برده
تالت و رابع يوم كبسولة الصبح قبل الفطار بنص ساعة و كبسولتين بعد الضهر
بعد كدة 2 الصبح و 2 بعد الضهر و متزودش عن كدة
و اادى صور المنتجات ال 3





ان او اكسبلود:


برده
مكمل لزيادة الباور زى الكرياتين و لكن مفيش مقارنه مبينهم لان الكرياتين
مكونات طبيعية موجودة فى اللحوم الحمراء و ال نو اكسبلود عبارة عن نيتروجين
بيزودلك ضخ الدم فى العضلة و بيديلك باور فى التمرين و ايضا بيخلى عروقك
ظاهرة و واضحة



طريقة
استعماله: 1 سكوب قبل التمرين بنص ساعة و فى ايام الراحة 1 سكوب على معدة
فاضية ممكن اول ما تصحى من النوم لو مش هيتعارض مع اى مكملات اخرى
بتستعملها

الجرعة ممكت تزودها الى 2 او 3 سكوب حسب مستواك


صورته اهى




و فيه
انواع اخرى كثيرة من كافة المنتجات و مش كلها شغالة لا بس الشركات بتنتجها و
تجيبلك كام بطل منفوخ و يقولك انا بستعمل ده دعاية يعنى و هى اى كلام زى
منتجات شركة ماسل تيك ( نيترو تيك و سيل تيك ) و الحاجات ديه بتعمل نتيجة
اه بس مش زى اللى مكتوب على العلبة

و ناس
كتير بتيجى تسأل عن الامينو 2222 او امينو ليكويد فيول من توينلاب .. هو مش
وحش و لكن مفعوله ضعيف جدا مقارنة بالمكملات الاخرى و فلوس على الفاضى لان
البروتين فيه قليل



ايضا
الجلوتامين من الاساسيات و لكن واى بروتين اوبتيموم لغى الموضوع ده لانه
فيه جلوتامين و امينو كمان يعنى انت مش محتاج غير واى اوبتيموم و كرياتين و
مالتى فيتامين و هتعمل احلى شغل


دليلك الى عالم المكملات الغذائية

موسوعة المكملات الغذائية

و احب اقول
جميع المكملات امنة تماما من حيث الاستعمال و لم يثبت لها اضرار على مدار
السنين و المدى البعيد طول ما بتستعملها زى ما الجرعة مكتوبة على ضهر
العلبة و الكابتن اللى بيقولك تاخدها امتى مبيجبش حاجة من عنده ( حتى انا )
الجرعة بتاعة كل مكمل فى ضهره و التعليمات و الارشادات و تحذيرات
الاستعمال لمرضى الضغط .. الخ و لسن معين

و ياريت
استعمال كل المكملات يصاحبه شرب مياه كتيرة عشان تتهضم و متعملكش مشاكل فى
الحلق و محدش يعمل ناصح وياخد المكمل من غير مياه و يحاول يبلع البودرة
لوحدها ممكن يتخنق

و اى مكمل تستعمله احسب سعراتك اليومية وسعرات المكمل معاها على حسب الجرعات اللى بتاخدها

يااه يا
كوتش كل ديه معلومات ربنا يخليك لينا بس نسيت اهم حاجة اشترى الحاجات ديه
منييييين ؟ شكلها نضيفة اوى و مبتتبعش هنا اعمل ايه ؟

بص يا
سيدى .. المكملات بتتباع فى الصيدليات النضيفة و منها ( العزبى و على ايمدج
و سيف ) بس اسعارهم غالية شوية عشان كدة فيه تجار فى المنتدى بيبيعوا و
حاجاتهم اصلية و اللى اضمنهولك هو ( دكتور محمد على ) لانى اتعاملت معاه و
اسأل الناس اللى هنا بتشترى من مين و مش هتخسر حاجة لو جربت يعنى و حاجاتهم
بتبقى ارخص من الصيدليات و فيه برده توكيل لشركة اوبتيموم فى ( سيتى ستارز
) المول الجديد الدور الاول جنب العطارة الهندية و سعره مش غالى اوى و
اوعى تشترى حاجة رخيصة و تطلع مضروبة فى الاخر انا بقولك اهو



طب يا كوتش انا جبت كام مكمل معايا اهو و استعملتهم بقالى شهرين و مجبش نتيجة لييييه بقى ؟
يا حبيبى قلتلك قبل كدة لازم تكون تغذيتك سليمة و فيه عوامل تانية برده
ممكن يكون المكمل مضروب او ممكن يكون جسمك مش قابله لان مش شرط كل المكملات تنفع مع كل الناس

[/center]


الرجوع الى أعلى الصفحة اذهب الى الأسفل
http://bodybuilding1.own0.com
علي دريوه
عـضـو مـمـيــز
عـضـو مـمـيــز


ذكر
عدد المساهمات: 34
تاريخ التسجيل: 22/02/2011

مُساهمةموضوع: رد: كل ما يخص لاعبى كمال الاجسام من الالف الى الياء   الثلاثاء مارس 01, 2011 8:15 pm

شكرررررراااااااااااااا Very Happy Crying or Very sad
الرجوع الى أعلى الصفحة اذهب الى الأسفل
morgan
عـضـو جـديــد
عـضـو جـديــد


ذكر
عدد المساهمات: 14
تاريخ التسجيل: 23/03/2011

مُساهمةموضوع: رد: كل ما يخص لاعبى كمال الاجسام من الالف الى الياء   الأربعاء مارس 23, 2011 8:30 pm

كــــلام جميــل مفيد طيب لو سمحت ممكن تقولى على تمرينه جدول يعنى طو لاسبوع لانى انا مش بقالى غير اسبوع فى الموضوع ده بس على فكره انا فى الجيم مش برتاح يوم يعنى بتمرن طو لاسبوع بس مش بشيل كتير بس بتمرن طول لاسبوع فمش عارف اعمل ايه
الرجوع الى أعلى الصفحة اذهب الى الأسفل
Admin
مـديــر الــمـنـتـدي
مـديــر الــمـنـتـدي


ذكر
عدد المساهمات: 142
تاريخ التسجيل: 05/02/2011

مُساهمةموضوع: رد: كل ما يخص لاعبى كمال الاجسام من الالف الى الياء   الخميس مارس 24, 2011 11:09 pm

لو انت وزنك تحت الـ 60 يبقئ روح يومين وغيب يوم
وبخصوص التمارين عندك تمارين ظهر وكتف وصدر وذراع وقدم
اسئل المدرب بتاعك في الجيم وهو راح يدربك هذه التامارين
ولا بد ان تلعبها بشكل صحيح


الرجوع الى أعلى الصفحة اذهب الى الأسفل
http://bodybuilding1.own0.com
tamer boldozar
عـضـو جـديــد
عـضـو جـديــد


ذكر
عدد المساهمات: 2
تاريخ التسجيل: 07/09/2011

مُساهمةموضوع: رد: كل ما يخص لاعبى كمال الاجسام من الالف الى الياء   الأربعاء سبتمبر 07, 2011 1:40 pm

بصراحة مناقشة حلوة جداومفيدة جدا ر بنايباركلك يا كابتن
الرجوع الى أعلى الصفحة اذهب الى الأسفل
هاني
عـضـو مـمـيــز
عـضـو مـمـيــز


ذكر
عدد المساهمات: 36
تاريخ التسجيل: 26/10/2011

مُساهمةموضوع: رد: كل ما يخص لاعبى كمال الاجسام من الالف الى الياء   الأربعاء ديسمبر 28, 2011 10:34 pm

مشكوووووور
الرجوع الى أعلى الصفحة اذهب الى الأسفل
منذر عميره
عـضـو جـديــد
عـضـو جـديــد


ذكر
عدد المساهمات: 1
تاريخ التسجيل: 22/10/2012

مُساهمةموضوع: رد: كل ما يخص لاعبى كمال الاجسام من الالف الى الياء   الأربعاء أكتوبر 24, 2012 10:36 pm

ما هي تمارين التضخيم (برنامج)
هل اول اشي التضخيم ام التقسيم .
ما هي تمارين (برنامج)التقسيم.
وشكرا لكم.....
الرجوع الى أعلى الصفحة اذهب الى الأسفل
ja far
عـضـو جـديــد
عـضـو جـديــد


ذكر
عدد المساهمات: 1
تاريخ التسجيل: 09/12/2012

مُساهمةموضوع: رد: كل ما يخص لاعبى كمال الاجسام من الالف الى الياء   الإثنين ديسمبر 17, 2012 2:28 pm

كيف انمي العضلات بدون اجهزة رياضية. Cool
الرجوع الى أعلى الصفحة اذهب الى الأسفل
youcef67
عـضـو جـديــد
عـضـو جـديــد


ذكر
عدد المساهمات: 2
تاريخ التسجيل: 08/05/2013

مُساهمةموضوع: رد: كل ما يخص لاعبى كمال الاجسام من الالف الى الياء   الأربعاء مايو 08, 2013 12:34 am

الف الف الف شكر.
الرجوع الى أعلى الصفحة اذهب الى الأسفل
mohamed moustafa saad
عـضـو جـديــد
عـضـو جـديــد


ذكر
عدد المساهمات: 1
تاريخ التسجيل: 20/08/2014

مُساهمةموضوع: رد: كل ما يخص لاعبى كمال الاجسام من الالف الى الياء   الأربعاء أغسطس 20, 2014 4:34 pm

السلام عليكم

انا مبتدء فى اللعبه من 3 شهور وبدءت اخدمن 10 ايام
بروتين بروكوبيليكس بس مش عارف افضل جرعه ليه كام سكوب وكام مره فى اليوم؟
باخد امينو 2222 : 3مرات فى اليوم كل مره 3 حبات
وباخد ليبو 6 بلاك اول اسبوع حبه الصبح وحبه العصر ومن الاسبوع الحالى 2 الصبح و2العصر

عايز اعرف الجرعه المناسبه من البروكومبليكس ول فى حاجه اشلها وادخ اه مكانها
وشكرا يا كباتن
الرجوع الى أعلى الصفحة اذهب الى الأسفل
 

كل ما يخص لاعبى كمال الاجسام من الالف الى الياء

استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدي كمال الاجسام ::  :: -